Umhverfisverðlaun Bláskógabyggðar 2020 voru afhent í síðustu viku. Það var Torfhús Retreat í Dalsholti sem fékk verðlaunin í ár en torfhúsin þar eru einstaklega smekkleg, falleg ásýndar og falla vel inn í umhverfið með tilvísun til fyrri byggingarhefða Íslendinga.
Í greinargerð með valinu segir að allt umhverfi húsanna sé til fyrirmyndar og gengið frá öllu jarðraski og grætt um leið og verk hafa verið unnin og húsin falla vel inní landslagið.
Umhverfisnefnd Bláskógabyggðar hafði veg og vanda af valinu.
Alice Alexandra Hoop og Sigurður Jensson tók við verðlaununum fyrir Torfhús Retreat úr hendi Agnesar Geirdal, formanns umhverfisnefndar Bláskógabyggðar.
