Tveir menn voru handteknir í Þykkvabænum í dag í aðgerð lögreglunnar á Suðurlandi og sérsveitar ríkislögreglustjóra. Lögregluaðgerðinni er lokið og er rannsókn málsins á frumstigi.
Í tilkynningu frá lögreglunni á Suðurlandi segir að um „vopnamál“ sé að ræða og að lögreglan hafi verið kölluð til vegna ágreinings milli landeigenda.
Vísir greindi frá því fyrr í dag að skotið hafi verið að gröfumanni sem var við vinnu við landamörk tveggja bújarða.