Frá hádegi í gær til hádegis í dag stöðvaði lögreglan á Suðurlandi sextán ökumenn fyrir of hraðan akstur. Sá sem hraðast ók var á 143 km/klst hraða.
Þrír ökumenn voru stöðvaðir fyrir ölvun við akstur og þrír fyrir að aka undir áhrifum ávana- og fíkniefna og reyndist einn þeirra vera með fíkniefni á sér. Tveir ökumenn voru stöðvaðir þar sem þeir óku bifreið án gildra ökuréttinda.
Lögreglan er með eitt heimilisofbeldismál til rannsóknar eftir nóttina og eignaspjöll voru unnin á húsi í umdæminu þar sem rúða var brotin.