Á degi íslenskrar náttúru, sunnudaginn 15. september kl. 14-17, verður deginum fagnað með Pálínuboði í Alviðru í Ölfusi.
Þar verður dekkað upp veisluborð og boðið upp á kaffi og kakó og grænmetissmakk úr grenndargarðinum. Gestir bera að borðinu með sér eitthvað gómsætt og njóta þess að eiga frábæra stund saman undir veislustjórn þeirra Auðar I. Ottesen og Sigurður Árni Þórðarson.
Fjögur ár er síðan að Auður allt árið, undir stjórn Auðar, tók að sér uppbyggingu grenndargarða í Alviðru. Félagsmönnum Landverndar bíðst að rækta þar grænmeti í afmörkuðum reitum. Þar rækta nú tíu fjölskyldur saman matjurtir og unnið er árlega að fjölgun ræktunnarreitanna. Auður segir frá grænmetis- og kryddræktunni í grenndargarðinum á Alviðru og býður gestum að smakka nýupptekið grænmeti úr garðinum og Sigurður Árni lumar á góðum ráðum um hvernig nýta má uppskeruna og deilir uppskrift af piparmyntuhlaupi og grænkálssnakki.
Alviðra er í Ölfusi, jörðin er í eign Landverndar. Þar er umhverfis- og fræðslusetur þar sem ungir sem aldrir geta notið stórkostulegara náttúru í hlíðum Ingólfsfjalls, í Öndverðarnesi og við Sogið. Tryggvi Felixson er formaður stjórnar Alviðru og með honum eru þau Sigurður Árni Þórðarson, Auður I. Ottesen, Kristín Vala Ragnarssdóttir og Íris Grétarsdóttir í stjórn. Undir þeirra stjórn er boðið uppá samverustundir á Alviðru, fræðandi náttúrugöngur, hið árlega Alviðruhlaup og nú á degi Íslenskrar náttúru, uppskeruhátíð.
Síðastilin tvö ár hefur verið unnið að endurbótum á byggingum og umhverfi á Alviðru með aðstoð sjálfboðaliða frá Seeds og frá Birtu starfsendurhæfingu undir verkstjórn Auðar. Í fjósi og hlöðu verða samkomusalir sem nýtast til samfagnaðar, ráðstefnuhalds og fræðslu tengdri náttúru. Mikið hefur áunnist og verða framkvæmdirnar kynntar á samfagnaðinum 15. september, fjósið notað í fyrsta sinn sem veislusalur.
Þau Auður og Sigurður Árni taka vel á móti gestum sem hvattir eru til að leggja lítilræði til Pálínuboðsins og njóta þess að gleðjast saman á fræðslusetrinu á Alviðru.