Sem fyrr verðlaunaði Sveitarfélagið Árborg fallega jólaskreyttar byggingar í sveitarfélaginu. Út frá aðsendum tilnefningum voru þrjú íbúðarhús, eitt fjölbýlishús og eitt fyrirtæki verðlaunuð fyrir fallegar skreytingar.
Þau heimili sem hlutu flestar tilnefningar voru Tröllhólar 3 á Selfossi hjá Jóni Karli Jónssyni og Önnu Dóru Ágústsdóttur, Túngata 50 á Eyrarbakka hjá Sævari Halldórssyni og Höllu Guðlaugu Emilsdóttur og Strandgata 10 á Stokkseyri hjá Gunnari Guðsteini Gunnarssyni Strönd og Hafdísi Sigurjónsdóttur Strönd.
Eitt fjölbýlishús var verðlaunað en það var Austurvegur 51 á Selfossi og Sigtún þróunarfélag fékk verðlaun sem best skreytta fyrirtækið í Miðbæ Selfoss.
