Í dag undirritaði Grímsnes- og Grafningshreppur verksamning við Jarðtækni ehf. og JJ pípulagnir ehf. um framkvæmdir við gatnagerð í nýrri íbúðabyggð og miðsvæði á Borg í Grímsnesi.
Um er að ræða þrjár götur, Miðtún, Borgartún og Lækjartún. Á miðsvæðinu er gert ráð fyrir lóð undir verslun, eldsneytis og rafhleðslustöð, atvinnustarfsemi og hótel. Verkið felur í sér lagningu vega, gangstíga, lagna, lýsingar, kantsteina og frágang á svæði. Samtímis verður gangsett ný fullkomin skólphreinsistöð fyrir svæðið.
Við Borgartún og Lækjartún er gert ráð fyrir blandaðri byggð einbýlis-, rað-, par- og fjölbýlishúsa. Verklok eru í september 2024. Stefnt er á úthlutunarferli á miðsvæði í janúar 2024.
Sex tilboð bárust í verkið og áttu Jarðtækni ehf. og JJ pípulagnir ehf. lægsta tilboðið, 185,8 milljónir króna sem er 80% af áætluðum verktakakostnaði