Þar sem framundan er langvarandi kuldakafli hefur viðbragsáætlun Selfossveitna verið virkjuð. Hluti af henni er að hvetja íbúa til að huga að sínum enda hitaveitunar og fara sparlega með vatn.
„Fólk getur sparað heitt vatn og þar með kyndikostnað sinn með því að gæta að því að gluggar séu ekki opnir og útidyr ekki látnar standa opnar lengur en þörf er á. Þá skipta einnig máli stillingar ofna, að óþarflega heitt vatn renni ekki frá þeim og að ofnarnir séu ekki byrgðir, til dæmis með síðum gluggatjöldum eða húsgögnum,“ segir í tilkynningu frá Selfossveitum.
Þá eru heitir pottar við heimili talsvert þurftafrekir á vatnið og gott að hafa í huga að fara sparlega með neysluvatn eins og við uppvask og böð.
Frá og með morgundeginum verður lokað í sundlaug Stokkseyrar vegna vatnsskorts og verður lokað fram yfir helgi.