Fyrir nokkru síðan var haldin nafnasamkeppni um nýjan grunnskóla sem opnaður verður í haust á Selfossi. Alls bárust 33 tillögur og voru tveir sem áttu vinningstillöguna.
Nafnið Stekkjaskóli varð fyrir valinu og það var Ingveldur Guðjónsdóttir sem dregin var út sem verðlaunahafi. Hún hún tengdi nafnið við byggðina í kring en þar enda allar götur á -stekkur. Í verðlaun var út að borða á Krisp og fallegur blómvöndur.
Það voru Gunnar Eysteinn Sigurbjörnsson, fulltrúi fræðslunefndar og Hilmar Björgvinsson, skólastjóri Stekkjaskóla sem veittu verðlaunin í blíðskaparveðri, auk Ástrósar Rúnar, aðstoðarskólastjóra Stekkjaskóla og Önnu Ingadóttur deildarstjóra skólaþjónustu.