Í dag, 8. nóvember, var baráttudagur gegn einelti haldinn í Vallaskóla á Selfossi.
Dagurinn byrjaði hjá flestum nemendum á bekkjarfundi þar sem nemendur fá tækifæri í öruggu umhverfi að tjá sig. Á bekkjarfundum er lagt áherslu á samskipti, framkomu, hegðun , virðingu og víðsýni. Einnig eru þetta kjörnir fundir til að ræða þætti sem eru ofarlega á baugi, uppákomur og fleira. Græni liturinn, þemalitur dagsins er svo litur verndarans í Olweusarstefnunni
Nemendur og starfsfólk skólans kom svo saman í íþróttasal þar sem starfsmannahjómsveitin Í grænum fötum spilaði og áhorfendaskarinn söng með af mikilli innlifun og krafti.
Að sögn skólastjórnenda var dagurinn frábærlega vel heppnaður og einkenndist af samkennd, velvilja og vináttu.
