Hjálparsveit skáta í Hveragerði aðstoðar nú vörubílstjóra sem missti vörubíl sinn þversum í Draugahlíðarbrekku. Vond færð er á Hellisheiði.
Tveir vörubílar voru fastir í Kömbunum fyrr í kvöld, en þar er nú mikil hálka. Samkvæmt upplýsingum frá lögreglunni á Selfossi er nú búið að losa bílana og er ekkert tjón á þeim.
Ökumenn smærri bíla hafa einnig lent í vandræðum á heiðinni í kvöld og hafa nokkrir þurft að skilja bíla sína eftir á heiðinni.