Þór Davíðsson tryggði sér Íslandsmeistaratitilinn í -100 kg. flokki á Íslandsmóinu í júdó sem fram fór í Laugardalshöllinni sl. laugardag.
Miklar væntingar voru gerðar til Þórs um að vinna titilinn og gerði hann það með nokkrum yfirburðum og hefur sjaldan verið jafn sannfærandi. Hann vann allar sínar viðureignir með fullnaðarsigri og sýndi hver er meistarinn. Næsta verkefni hans er Norðurlandameistaramótið í Noregi í maí.
Eins og með Þór voru miklar væntingar um að Grímur Ívarsson ynni titilinn í -90 kg flokki og miðað við skráningu fyrir mótið hefði hann gert það því hann sigraði alla sem höfðu verið skráðir við lokun skráningar. Sveinbjörn Yura, einn besti judomaður landsins, var hins vegar færður upp um þyngdarflokk í flokk Gríms og þrátt fyrir frábæra framistöðu tókst Grími ekki að vinna Sveinbjörn sem sigraði að lokum á glæsilegu kasti. Grímur tók silfrið.
Hrafn Arnarsson upprenndi afreksmaður sem var að keppa á sínu fyrsta Íslandsmóti aðeins 14 ára stóð sig vel og hlaut 3. sæti í -60 kg flokki.
Þór Jónsson sem var að keppa á sínu fyrsta Íslandsmóti meiddist í fyrstu glímu í -81 kg flokki og dró sig úr úr keppni.
Selfyssingar söknuðu þess að hafa ekki Egil Blöndal í liðinu en hann er nú við æfingar í Japan.