Íslandsmót Judosambands Íslands var haldið í sal judodeildar Ármanns í Laugardal þann 12. apríl síðastliðinn. Þátttaka var mjög góð en keppendur voru 110 í hinum ýmsu aldurs- og þyngdarflokkum.
Tveir keppendur mættu til leiks frá Judofélagi Suðurlands, þau Agla Ólafsdóttir og Arnar Helgi Arnarsson og gekk þeim vel.
Agla keppti í flokki U18 og vann gullverðlaun í sínum þyngdarflokki og varð þar með Íslandsmeistari í fyrsta sinn og örugglega ekki það síðasta. Þá keppti Agla upp fyrir sig í aldursflokki undir U21 og tók þar silfurverðlaun. Býsna góður dagur hjá Öglu.
Arnar Helgi keppti í þetta skipti í flokki +100 kg og náði 3. sæti.