Tveir keppendur frá Judofélagi Suðurlands mættu til leiks á Vormót Júdosambands Íslands, sem haldið var á Akureyri síðastliðinn laugardag og gekk þeim báðum vel.
Agla Ólafsdóttir keppti í sínum flokki undir átján ára og vann þar gull og gerði sér svo lítið fyrir og vann einnig gullverðlaun í flokki undir 21 árs á einstaklega glæsilegan hátt er hún vann mun reyndari keppanda á hreinu kasti eftir stutta viðureign.
Arnar Helgi Arnarsson keppti í flokki undir 100 kg og vann þann flokk nokkuð auðveldlega en Arnar er kominn í hóp sterkustu júdomanna landsins.