Anton Breki Hjaltason hefur framlengt samning sinn við handknattleiksdeild Umf. Selfoss um tvö ár.
Anton Breki er uppalinn á Selfossi, hávaxinn, rétthent skytta og var hluti af gríðar skemmtilegu U-liði Selfyssinga síðasta vetur ásamt því að fá sínar fyrstu mínútur með meistaraflokki. Þá var Anton valinn leikmaður ársins í 3. flokki í vetur, afreksmaður ársins í akademíunni ásamt því sem hann útskrifaðist úr Handknattleiksakademíu Selfoss.
„Það verður spennandi að fylgjast með Antoni taka næstu skref á sínum handboltaferli í ungu og spennandi Selfossliði í Grill 66 deildinni í vetur,“ segir í tilkynningu frá Selfyssingum.