Selfyssingar fá sigurlaunin í 2. deild karla í knattspyrnu afhent á morgun, eftir leik Selfoss og Ægis sem hefst á Jáverk-vellinum kl. 14:00.
Það er fín veðurspá fyrir morgundaginn og stuðningsmenn Selfoss eru hvattir til þess að fjölmenna á völlinn en frítt er á leikinn í boði Borgarverks. Stuðningmenn Selfoss ætla að hittast á Röstí í mathöllinni í miðbænum fyrir leik og ganga svo fylktu liði á völlinn.
Það verður líka líf og fjör á vallarsvæðinu á morgun en í leikhléi á leiknum verður lokahóf 5. til 8. flokks á vellinum og pylsuveisla fyrir iðkendur.