Varnarmaðurinn Dagur Jósefsson hefur skrifað undir tveggja ára samning við knattspyrnudeild Selfoss, eða til ársins 2026.
Dagur, sem er átján ára gamall, átti frábært sumar í hjarta varnarinnar en hann var útnefndur varnarmaður ársins hjá Selfyssingum á lokahóf deildarinnar á dögunum.
Þessi efnilegi varnarmaður fór í gegnum yngri flokkana á Selfossi. Fyrir nýliðið tímabil hafði hann aðeins leikið tvo meistaraflokksleiki en Dagur stimplaði sig inn sem lykilmann í sumar og lék alls 25 leiki og var leikjahæstur allra leikmanna liðsins.