Stór hópur frjálsíþróttakeppenda af sambandssvæði HSK tók þátt í Gautaborgarleikum sem haldnir voru í 25. sinn á Ullevi-leikvangingum í Gautaborg dagana 17.-19.júní síðastliðinn.
Árangurinn var frábær og voru átta verðlaunapeningar hengdir um háls okkar keppenda, auk þess slógu þau 16 HSK met auk margra persónulegra bætinga.
Ívar Ylur Birkisson, Dímon, tvíbætti Íslandsmetið í 80 metra grindahlaupi 14 ára, fyrst í undanrásum á tímanum 11,86 sek. Hann bætti svo um betur í úrslitum á nýju Íslandsmeti og hljóp á 11,51 sek og varð í öðru sæti á leikunum í þeirri grein.
Hjálmar Vilhelm Rúnarsson, Umf. Selfoss, vann til þrennra verðlauna á mótinu í flokki 14 ára. Hann náði þeim frábæra árangri að vinna kúluvarp með góðri bætingu er hann varpaði kúlunni 13,00 m, hann vann til silfurverðlauna í spjótkasti á nýju HSK meti er hann kastaði spjótinu 50,86 m og í hástökki stórbætti hann sig með því að vippa sér yfir 1,79 m og vinna til silfurverðlauna. Sunnlendingar áttu tvo á palli í kúluvarpi 14 ára því Vésteinn Loftsson, Hrunamönnum, varð í 3. sæti og kastaði 11,17 m.
Daníel Breki Elvarsson, Umf. Selfoss, náði þeim glæsilega árangri að bæta sig um marga metra í spjótkasti og sigra í 16 ára flokki á nýju HSK meti þegar hann kastaði spjótinu 60,48 m.
Bryndís Embla Einarsdóttir, Umf. Selfoss, stóð sig vel og vann til tvennra verðlauna í flokki 13 ára. Hún kastaði spjótinu 34,95 m og vann til silfurverðlauna auk þess sem hún bætti sig í hástökki þegar hún stökk yfir 1,54 m og krækti sér í bronsið.
Eydís Arna Birgisdóttir, Umf. Selfoss, hljóp 300 m grindahlaup á tímanum 46,47 sek og setti í leiðinni fjórfalt HSK met en hún bætti metið í flokkum 15 ára, 16-17 ára, 18-19 ára og 20-22 ára og Ásta Dís Ingimarsdóttir, Umf. Selfoss, hljóp 2000 m hlaup á tímanum 7:25,60 mín og setti fimmfalt HSK met í leiðinni. Hún bætti metið í flokkum 15 ára, 16-17 ára, 18-19 ára, 20-22 ára og í kvennaflokki.
Þá bætti Álfrún Diljá Kristínardóttir, Umf. Selfoss, eigið HSK met í sleggukasti í flokki 16-17 ára er hún kastaði sleggjunni 49,34 m. Martin Patryk Srichakham, Heklu, setti HSK met í 2.000 metra hindrunarhlaupi 16-17 ára á 8;27,83 mín og Helga Fjóla Erlendsdóttir, Garpi, bætti metið í 60 m grindahlaupi í flokki 13 ára á 68 cm grindur þegar hún hljóp á 10,67 sek.
Selfyssingurinn Þorvaldur Gauti Hafsteinsson keppti á mótinu fyrir sænska félagið IFK Helsingborg og hljóp 800 metrana á tímanum 2:06,93 mín, sem er langt undir HSK metinu. Þorvaldur Gauti hefur æft í Svíþjóð það sem af er þessu ári en kemur heim í sumar.
