Elvar Þormarsson, hestaíþróttamaður, var valinn íþróttamaður ársins 2021 í Rangárþingi eystra. Venju samkvæmt var valið tilkynnt á 17. júní hátíðinni á Hvolsvelli.
Elvar stóð sig með mikilli prýði í sinni íþrótt árið 2021 og varð meðal annars Íslandsmeistari í gæðingaskeiði. Elvar gat ekki verið viðstaddur en sonur hans, Elimar, tók við viðurkenningunni úr höndum Páls Eggertssonar formanns heilsu-, íþrótta- og æskulýðsnefndar.
Fimm einstaklingar voru tilnefndir að þessu sinni en auk Elvars voru það kylfingurinn Andri Már Óskarsson golf, Ísak Guðnason bardagaíþróttamaður, Ívan Breki Sigurðsson knattspyrnumaður og María Rósa Einarsdóttir blakkona. Samkvæmt reglum um valið þurfa tilnefndir íþróttamenn að vera 15 ára eða eldri og hafa stundað íþrótt sína í sveitarfélaginu eða vera með lögheimili þar.
