Íþróttavika Evrópu sem er orðin árlegur viðburður víðsvegar um Evrópu í lok september stendur nú yfir.
Meðal gjaldfrjálsra viðburða í dag, í tilefni vikunnar, er fyrirlestur Dr. Viðars Halldórssonar sem nefnist „Hið ósýnilega afl – mikilvægi félagslegra töfra fyrir einstaklinga og samfélag” Fyrirlesturinn er kl. 18:00 í Menningarsalnum á Hellu og er hluti dagskrár vikunnar hjá Rangárþingi ytra.
Sveitarfélag Árborg tekur þátt í íþróttavikunni og í kvöld verður gjaldfrjáls fræðsla sem kallast Andaðu léttar og fer fram í austurrými Vallaskóla kl. 20:00. Þar mun Eva Katrín Sigurðardóttir frá Eva´s Breath verða með fræðslu fyrir almenning.
Fjölbrautaskóli Suðurlands heldur heilsuviku FSu í vikunni og á morgun kl. 15:00 verður fótboltamót á gervigrasvellinum á Selfossi í umsjón nemendafélagsins.