Þrír leikmenn kvennaliðs Selfoss spiluðu í dag sinn fyrsta A-landsleik í knattspyrnu þegar U23 ára lið Íslands sigraði A-landslið Eistlands 2-0 á útivelli í vináttuleik.
Barbára Sól Gísladóttir, Katla María Þórðardóttir og Áslaug Dóra Sigurbjörnsdóttir voru allar í byrjunarliðinu og á 63. mínútu var Katla María tekin af velli fyrir Unni Dóru Bergsdóttur.
Þar sem Eistland tefldi fram A-landsliði sínu þá telst leikurinn sem A-landsleikur. Þannig voru Unnur Dóra, Katla María og Áslaug Dóra að spila sinn fyrsta A-landsleik og Barbára Sól sinn þriðja.
Markaskorarar Íslands í leiknum voru Dagný Rún Pétursdóttir og Sólveig Jóhannesdóttir Larsen, en Sólveig er ættuð úr Flóanum, eins og nafnið bendir til.