Knattspyrnufélag Rangæinga vann sinn fyrsta sigur í 3. deild karla í knattspyrnu í sumar þegar liðið tók á móti Leikni Fáskrúðsfirði á Hvolsvelli í dag.
Rangæingar voru mun sterkari aðilinn í fyrri hálfleik og Helgi Ármannsson og Lárus Viðar Stefánsson tryggðu KFR 2-0 forystu fyrir leikhlé.
Leikurinn var jafnari í síðari hálfleik þar sem bæði lið áttu sín færi en þrátt fyrir að eiga hættulegri færi tókst Rangæingum ekki að bæta við mörkum.
KFR er í 8. sæti 3. deildarinnar með 3 stig.