Geir Evert Grímsson á Sleggjunni sigraði á Sindratorfærunni í dag og hreppti Helluna, með því að standa efstur að stigum eftir hörkukeppni. Þetta var fyrsti sigur Geirs Everts á Íslandsmótinu í torfæruakstri.
Geir Evert sýndi flott tilþrif og ók öruggt í gegnum alla keppnina auk þess að klára ána og mýrina með stæl. Hann lauk keppni með 1.774 stig en Ingólfur Guðvarðarson á Guttanum varð annar með 1.712 stig.
Aðrir ökumenn sýndu flott tilþrif Aron Ingi Svansson á Stormi hreppti tilþrifaverðlaunin í sérútbúnaflokknum eftir mikla flugsýningu í brautunum og frábæra björgun frá veltu í tímabraut. Jakob Nielsen Kristjánsson á Pjakknum setti götubílaflokkinn á hærri stall og lét vaða á barðið í fyrstu braut og flaug bókstaflega upp og fékk tilþrifaverðlaunin að launum.
Haukur Viðar Einarsson á Heklu náði mesta hraðanum á ánni 98 km/klst og var 4 km/klst frá heimsmetinu. Íslandmeistarinn og heimsmetshafinn Þór Þormar Pálsson náði sér ekki á strik en sýndi frábæra takta og velti eins og honum einum er lagið.
Óskar Jónsson á Úlfinum kom sá og sigraði í götubílaflokki í sinni fyrstu keppni á nýsmíðuðum bíl og verður það að teljast góður árangur. Bresku hetjurnar frá TopGear þeir Christopher Harris og Freddie Flintoff enduðu fyrir ofan miðju sem verður að teljast þokkalegt enda báðir í sinni fyrstu keppni og annar þeirra settist fyrst undir stýri 30 mínútum fyrir keppni.
Það voru Flugbjörgunarsveitin á Hellu og akstursíþróttanefnd Umf. Heklu sem héldu Sindratorfæruna með pompi og pragt í blíðskaparveðri en um 5.500 áhorfendur fylgdust með keppninni.
4. sæti 335 Jakob Pálsson, Hulk
Sérútbúnir
1. sæti 1.774 Geir Evert Grímsson, Sleggjan
2. sæti 1.712 Ingólfur Guðvarðarsson, Guttinn
3. sæti 1.638 Haukur Viðar Einarsson, Hekla
4. sæti 1.277 Ásmundur Ingjaldsson, Bomban
5. sæti 1.125 Þór Þormar Pálsson, Thor
6. sæti 1.051 Cristopher Harris, Sápan
7. sæti 1.050 Freddie Flintoff, Heimasætan
8. sæti 1.041 Páll Jónsson, Rollan
9. sæti 997 Skúli Kristjánsson, Simbi
10. sæti 900 Aron Ingi Svansson, Stormur
11. sæti 801 Guðmundur Elíasson, Ótemjan
12. sæti 740 Guðmundur Guðmundsson, Hamrarinn
13. sæti 680 Bjarki Reynisson,Dýrið
14. sæti 461 Guðmundur Max Jónsson, Green Thunder
15. sæti 0 Jón Vilberg Gunnarsson, Light Foot
