Stórglæsileg uppskeruhátíð Hestamannafélagsins Sleipnis á Selfossi var haldin á Þingborg í gærkvöldi. Þar hittust félagsmenn Sleipnis og heiðruðu félagsmenn sem náðu framúrskarandi árangri á árinu 2023.
Glódís Rún Sigurðardóttir var heiðruð sem knapi ársins en hún átti magnað ár þar sem hún lét mikið að sér kveða á keppnisvellinum. Hún varð Íslandsmeistari í fimmgangi ungmenna á Sölku frá Efri-Brú en hápunktur ársins var heimsmeistaratitill Glódísar og Sölku í fimmgangi ungmenna.
Önnur verðlaun sem veitt voru á uppskeruhátíðinni:
Besti árangur í 100 m skeiði: Sigursteinn Sumarliðason á Krókus frá Dalbæ.
Besti árangur í 150 m skeiði: Ívar Örn Guðjónsson og Buska frá Sauðárkróki.
Besti árangur í 250 m skeiði: Árni Sigfús Birgisson og Dimma frá Skíðbakka I.
Æskulýðsverðlaun: Svandís Atkien Sævarsdóttir.
Knapi ársins í flokki áhugamanna: Soffía Sveinsdóttir.
Gæðingaknapi ársins: Sigursteinn Sumarliðason á Liðsauka frá Áskoti.
Íþróttaknapi ársins: Glódís Rún Sigurðardóttir.
Klárhestaskjöldurinn fyrir efsta hest í B-flokki gæðinga: Bjarnfinnur frá Áskoti, eigandi Jakob Þórarinsson.
Sleipnisskjöldurinn fyrir efsta hest í A-flokki gæðinga: Kolbeinn frá Hrafnsholti, eigendur Jónas Már Hreggviðsson og Elísabet Gísladóttir.
Ræktendur ársins: Árni Sigfús Birgisson og Davíð Sigmarsson fyrir Djáknar frá Selfossi.
Félagar ársins: Magnús Benediktsson og Bryndís Arnardóttir.
