Guðmundur Steindórsson hefur framlengt samning sinn við handknattleiksdeild Umf. Selfoss um tvö ár.
Guðmundur er vinstri skytta og öflugur varnarjaxl sem var hluti af stórskemmtilegu U-liði Selfyssinga síðasta vetur. Á lokahófi 3. flokks og akademíunnar var hann valinn varnarmaður ársins í 3. flokki, ásamt því að útskrifast úr Handknattleiksakademíu Selfoss.
„Það er ljóst að við munum fá að sjá þennan spennandi leikmann stíga sín fyrstu skref með meistaraflokki í vetur,“ segir í tilkynningu frá Selfyssingum.