Haukadalsvöllur við Geysi verður ekki opinn í sumar til golfiðkunar. Völlurinn kom mjög illa undan vetri og er skemmdur á stórum svæðum.
Morgunblaðið greinir frá þessu.
Eigendur og stjórn Golfklúbbsins Geysis tóku af þeim sökum þá ákvörðun að opna völlinn ekki í ár. Að sögn Ágústu Þórisdóttur, umsjónarmanns vallarins, er einsdæmi hversu illa völlurinn kom undan vetri.
„Þetta var harður vetur og frostið sat í lengi, svo það bara kól. Alltaf hafa komið frostblettir yfir veturna en þetta eru svo rosalega stór svæði sem frusu,“ segir Ágústa í Morgunblaðinu í dag.