Hótel Geysir og fimleikadeild Umf. Selfoss hafa gert með sér samstarfssamning. Í tilkynningu frá fimleikadeildinni segir að þau séu afar lánsöm að fá svo frábæran bakhjarl til liðs við sig, til að efla og gera gott starf betra. Iðkendur deildarinnar frá Geysi, Reykholti og Einholti voru viðstödd undirskriftina.
„Við erum einstaklega spennt og þakklát fyrir að hefja samstarf við Hotel Geysi, iðkendur úr sveitinni keyra til okkar á æfingar oft í viku og fyrir það erum við afar glöð. Það er ómetanlegt að hafa góða bakhjarla við deildina nær og fjær og að koma á Hotel Geysi er alltaf mikil upplifun,“ segir Sigrún Ýr framkvæmdastjóri fimleikadeildarinnar.
