Jón Vignir Pétursson og Ívan Breki Sigurðsson hafa leikið sinn síðasta leik fyrir karlalið Selfoss í knattspyrnu á þessu tímabili en þeir halda nú út til Bandaríkjanna í háskóla.
Leikmennirnir báðir hafa leikið lykilhlutverk á tímabilinu, Jón Vignir með fyrirliðabandið á miðjunni og Ívan Breki í vörninni, þá aðallega í hægri bakverðinum.
Jón mun stunda nám við Seton Hall University í New Jersey fylki í viðskiptafræði með áherslu á stjórnun. Ívan verður á svipuðum slóðum eða í Sacred Heart University í Connecticut fylki, einnig í viðtskiptafræði. Báðir munu þeir spila með liðum sinna skóla.
Báðir leikmennirnir eru áfram samningsbundnir Selfoss og verða mættir í vínrauðu treyjuna næsta sumar.