![Karen Rós Torfadóttir](https://www.sunnlenska.is/wp-content/uploads/2023/09/Karen-Ros-Torfadottir-696x453.jpg)
Markvörðurinn Karen Rós Torfadóttir hefur skrifað undir tveggja ára samning við knattspyrnudeild Selfoss. Karen er 18 ára og spilaði sína fyrstu meistaraflokksleiki á nýliðnu sumri.
Karen Rós, sem er frá Hornafirði og uppalin hjá Sindra, gekk í raðir Selfoss haustið 2021 og hefur verið aðalmarkvörður í 2. flokki. Hún lék tvo leiki í Bestu deildinni í sumar og stóð sig með prýði þar.
„Karen hefur vaxið mikið sem leikmaður á undanförnum tveimur árum og stóð sig mjög vel í lokaleikjum liðsins í Bestu deildinni. Það er mjög ánægjulegt fyrir okkur að geta haldið henni áfram á Selfossi. Framtíð hennar sem leikmaður er björt,” segir Björn Sigurbjörnsson, þjálfari Selfoss.