Hjólreiðakeppninni KIA Gullhringurinn hefur verið frestað til 25. ágúst næstkomandi, en keppnin átti að fara fram á morgun, laugardag, í uppsveitum Árnessýslu.
Í tilkynningu frá mótshöldurum segir að þeir hafi frá því síðasta haust unnið sleitulaust við það að efla öryggi í kringum keppnina. Það hafi verið gert af fagfólki með þekkingu á vegaöryggi í nánu samráði við Vegerðina sem hefur sýnt mikinn samsstarfsvilja.
„Sífellt vatnsveður í vor og allt sumar hefur valdið verktökum Vegagerðarinnar miklum vanda og hefur ekki tekist að ljúka viðgerðum á vegum í tæka tíð. Á síðustu sjö dögum hefur malbikun mikilvægra kafla verið frestað tvívegis. Þá hefur ekki tekist að klára framkvæmdir á Laugavatnsvegi en þar eru malarkaflar og einnig er ókláraður kafi við Borg í Grímsnesi. Við þessar aðstæður telja mótshaldarar að öryggi þátttakenda og annarra vegfarenda sé ógnað og telja óverjandi að senda stóra hóp hjólreiðfólks af stað,“ segir í tilkynningunni.
Af þessum sökum hefur mótinu verið frestað til laugardagsins 25. ágúst nk. Er þetta gert af öryggisástæðum og þykir keppnisstjórn miður að þurfa að gera þessa breytingu með svo stuttum fyrirvara en öryggi keppenda og annarra vegfarenda er ofar öllu.