Handknattleiksmaðurinn Magnús Öder Einarsson hefur samið við Selfoss til tveggja ára.
Hann er Selfyssingum að góðu kunnur, enda uppalinn hjá félaginu. Magnús Öder er 22 ára og lék síðast með Selfossliðinu í 1. deildinni tímabilið 2015/16 þegar Selfoss komst upp í úrvalsdeildina.
Eftir það hefur hann leikið með ÍF Mílan, Þrótti R og nú síðast var hann á mála hjá Gróttu þar sem hann var markahæstur í vetur og með 85 mörk í 20 leikjum ásamt því að vera öflugur varnarlega.
Í fréttatilkynningu frá Selfyssingum er Magnús Öder boðinn hjartanlega velkominn aftur heim í sveitina.