![Yngvi Óskar](https://www.sunnlenska.is/wp-content/uploads/2024/07/Yngvi-Oskar-696x449.jpg)
KFR gerði jafntefli gegn Skautafélagi Reykjavíkur í 5. deild karla í knattspyrnu á Hvolsvelli í kvöld á sama tíma og Stokkseyri tapaði gegn Smára í Kópavogi.
Leik KFR og SR lauk með markalausu jafntefli en sigurinn hefði getað lent hvoru megin sem var. Rangæingar þurftu nauðsynlega á sigri að halda í kvöld því þeir eru að dragast aftur úr toppliðum Mídasar og Smára á lokakafla mótsins.
Stokkseyringar héldu sömuleiðis jöfnu og markalausu fram í seinni hálfleik gegn Smára. Heimamenn komust yfir með marki úr vítaspyrnu í upphafi seinni hálfleiks og bættu svo tveimur mörkum við á lokakaflanum. Lokatölur 3-0.
Staðan í B-riðlinum er þannig að KFR er í 3. sæti með 26 stig en Stokkseyringar eru í 7. sæti með 10 stig.