Ægir tók á móti Völsungi í 2. deild karla í knattspyrnu í dag í Þorlákshöfn. Þrátt fyrir ágæt tilþrif beggja liða varð niðurstaðan markalaust jafntefli.
Leikurinn var í járnum allan tímann og bæði lið fengu fín færi til þess að gera út um leikinn en allt kom fyrir ekki.
Þegar þrjár umferðir eru eftir eru Ægismenn í 8. sæti deildarinnar með 22 stig, fjórum stigum fyrir ofan fallsæti.