Keppendur Ungmennafélags Selfoss náðu góðum árangri á bikarmóti Taekwondosambands Íslands sem haldið var í Ármannsheimilinu um síðustu helgi.
Þorsteinn Ragnar Guðnason hélt áfram að gera góða hluti í formum og uppskar þrenn verðlaun, það er 2. sæti í einstaklingsformum, 3. sæti í paraformum og 1. sæti í hópaformum.
Natan Hugi Hjaltason stal hins vegar senunni á mótinu þar sem hann hlaut gullverðlaun í -63 kg flokki junior karla og var einnig valinn maður mótsins með hæstu stigatölu.
Margrét Edda Gnarr keppti í einstaklingsformum senior kvenna og hlaut bronsverðlaun og Sigurjón Bergur Eiríksson keppti í -80 kg flokki senior karla í bardaga og hlaut einnig bronsverðlaun.