Örn Þrastarson mun halda áfram sem þjálfari meistaraflokks kvenna í handknattleik, en hann endurnýjaði samning sinn við handknattleiksdeild Selfoss á dögunum.
Örn hefur verið aðalþjálfari kvennaliðsins undanfarin tvö ár en liðið féll úr úrvalsdeildinni í vetur og mun leika í 1. deildinni á næsta keppnistímabili.
Örn hefur verið viðloðandi handboltann á Selfossi alla sína tíð og hjá handknattleiksdeildinni er ánægja með að Örn skuli vera áfram í herbúðum Selfoss og bindur stjórn deildarinnar miklar vonir við uppbyggingu liðsins á komandi árum, en fjöldi efnilegra leikmanna er í herbúðum Selfoss.