Patrekur Þór Guðmundsson Öfjörð hefur samið við handknattleiksdeild Umf. Selfoss til tveggja ára.
Patrekur er kvikur vinstri hornamaður, uppalinn á Selfoss. Hann var hluti af skemmtikröftunum í U-liði Selfoss síðasta vetur og endaði markahæsti leikmaður liðsins með 97 mörk í 18 leikjum. Í vor útskrifaðist hann svo úr Handknattleiksakademíu Selfoss.
„Það er gaman að fá að fylgja Patreki áfram upp tröppurnar og sjá hann sem og liðið allt takast á við Grill 66 deildina í vetur,“ segir í tilkynningu frá Selfyssingum.