Knattspyrnudeild Selfoss hefur samið við sænska varnarmanninn Alexander Berntsson en hann kemur til liðsins frá færeyska félaginu KÍ Klaksvík.
Alexander, sem verður 29 ára í næstu viku, er miðvörður sem á að baki fjölda leikja í efstu og næstefstu deild í Svíþjóð, flesta leiki fyrir Halmstad og síðar Jönköpings. Hann gekk síðan til liðs við KÍ Klaksvík í Færeyjum fyrir síðasta tímabil, lék 20 leiki fyrir félagið, þar af nokkra í forkeppni Meistaradeildar Evrópu og síðar í Evrópudeildinni og Sambandsdeildinni.
Alexander mætti til landsins í gær og mætti á sína fyrstu hjá Selfossi í dag. Honum er ætlað að fylla það skarð sem Jose Manuel Lopez skilur eftir sig en hann þurfti óvænt að kveðja Selfyssinga í síðustu viku, af persónulegum ástæðum.
„Ég er ánægður með að vera kominn á Ísland og búinn að semja við Selfoss, hingað hef ég ekki komið áður og ég hlakka til að byrja,“ segir Alexander.