Í tengslum við ársþing Knattspyrnusambands Íslands veitir sambandið árlega svokölluð grasrótarverðlaun. Grasrótarpersóna KSÍ 2024 er Sigurður Eyjólfur Sigurjónsson, íþrótta- og æskulýðsfulltrúi Skaftárhrepps.
Sigurður hlýtur hann nafnbótina fyrir íþróttastarf á Kirkjubæjarklaustri.
Í greinargerð með viðurkenningunni segir að Sigurður hafi sýnt af sér ómældan dugnað, ástríðu og útsjónarsemi þegar kemur að uppbyggingu á íþróttaaðstöðu og auknum möguleikum ungs fólks til íþróttaiðkunar á Kirkjubæjarklaustri, þ.m.t fótbolta.
Grasrótarverðlaunum KSÍ er skipt upp í þrjá flokka: Grasrótarverkefni ársins, Grasrótarfélag ársins og Grasrótarpersóna ársins. Þetta er í þriðja sinn sem verðlaunum er þrískipt með þessum hætti.
