Fjallhjólreiðakeppnin Landsnet MTB fór fram við Skíðaskálann í Hveradölum á laugardag í blíðskapar veðri. Mótið er eitt fjögurra í Víkingamótaröðinni en um næstu helgi fer NOW Eldslóðin fram og laugardaginn 10. september er það KIA Gullhringurinn.
Pétur Vilhelm kom fyrstur í mark í karlaflokki á tímanum 1:04:29 klst og Guðbjörg Arnardóttir, sóknarprestur á Selfossi, sigraði kvennaflokkinn á 1:34:08 klst. Einnig var boðið upp á rafhjólaflokk en það Dagný Pétursdóttir sem vann hann á tímanum 1:09:04 klst. Þá var einnig ræst í skemmtiflokk, þar sem þátttakendur hjóluðu eingöngu til skemmtunar en ekki í keppni við klukkuna.
Brautin liggur frá Skíðaskálanum upp á Hengilssvæðið, þaðan inn á Þúsundvatnaleiðina þar sem þátttakendur hjóla í árfarvegi Hengladalaár inn að Smjörþýfi, þangað að þjóðvegi númer 1 og undir hann í gegnum ræsi að gamla þjóðveginum sem þá er hjólaður í hávestur að Skíðaskálanum aftur.
Efstu þrír í karlaflokki
1. Pétur Wilhelm 01:04:29
2. Jón Arnar Tracey Sigurjónsson 01:06:33
3. Brynjar Logi Friðriksson 01:07:37
Efstu þrjár í kvennaflokki
1. Guðbjörg Arnardóttir 01:34:08
2. Hanna Ýr Sigþórsdóttir 01:35:47
3. Anna Linda Sigurgeirsdóttir 01:36:25
Öll úrslitin má finna hér.
