Vormót Judosambands Íslands í flokkum fullorðinna var haldið í sal júdódeildar ÍR síðastliðinn laugardag. Judofélag Suðurlands sendi fimm keppendur til leiks og komu þeir heim með fern verðlaun.
Sara N. Ingólfsdóttir sigraði sinn flokk með glæsibrag þannig að eftir var tekið og Agla Ólafsdóttir, sem er aðeins 16 ára og að keppa upp fyrir sig í aldri, stóð sig með sóma og hlaut silfur.
Íris Ragnarsdótttir missteig sig aðeins í byrjun en vann síðan örugglega gullverðlaun og ekki vafi á hver var best í hennar flokki þennan daginn.
Böðvar Arnarsson vann bronsverðlaun en átti mikið meira inni þó ekki tækist að sýna það í þetta skiptið.