Mánudagskvöldið 4. desember síðastliðinn fór fram Héraðsmót HSK í skák í Selinu á Selfossi. Um sveitakeppni er að ræða þar sem liðin eru skipuð fjórum skákmönnum.
Hörð keppni var á þessu stórskemmtilega móti en fimm sveitir mættu til leiks. Þór Þorlákshöfn sigraði með 12½ vinninga, Dímon varð í 2. sæti með 10 vinninga og Selfyssingar í 3. sæti með 8 vinninga.
Sveit Umf. Þórs skipuðu þeir Sverrir Unnarsson, Ingvar Örn Birgisson, Erlingur Jensson og Magnús Garðarsson.
Úrslit urðu eftirfarandi:
1. Umf Þór – 12 ½ vinningar
2. Íþr.f. Dímon – 10 vinningar
3. Umf Selfoss – 8 vinningar
4. Umf Gnúpverja – 7 vinningar
5. Umf Þjótandi – 2½ vinningar
