Heimamaðurinn Tryggvi Sigurberg Traustason hefur samið við handknattleiksdeild Umf. Selfoss til tveggja ára.
Tryggvi Sigurberg, sem er leikstjórnandi, hefur verið lykilmaður í meistaraflokki karla í vetur og var meðal annars valinn sóknarmaður ársins á lokahófi handknattleiksdeildarinnar.
„Það verður gaman að fylgjast með Tryggva í ungu og spennandi liði meistaraflokks karla í Grill 66 deildinni á komandi tímabili,“ segir í tilkynningu frá Selfyssingum.