Körfuknattleiksdeild Þórs í Þorlákshöfn hefur samið við bakvörðinn Ólaf Björn Gunnlaugsson til tveggja ára.
Ólafur er 22 ára og 202 cm á hæð en hann hefur verið í víking síðustu árin í Bandaríkjunum.
Ólafur var einn af lykilleikmönnum U20 ára landsliðs Íslands sem tryggði sér sæti í A-deild í Evrópukeppninni árið 2022.
„Við hlökkum til að fá Óla til okkar og bjóðum hann hjartanlega velkominn í Hamingjuna,“ segir í tilkynningu frá Þórsurum.