Fjölmenni var við opnun sýningarinnar Endur(á)lit í Byggðasafni Árnesinga, sem opnuð var í borðstofu Hússins á Eyrarbakka í dag.
Sýningin er unnin í samstarfi við öflugan nemendahóp vorannar í grafískri miðlun í Fjölbrautaskóla Suðurlands og Ágústu Ragnarsdóttir, kennara þeirra.
Á sýningunni eru áróðursveggspjöld eftir sautján nemendur en ferskar hugmyndir og orka endurspeglast í verkum unga fólksins, sem vöktu mörg hver mikla athygli sýningargesta.
Sýningin er styrkt af Uppbyggingarsjóði Suðurlands og verður opin fram í maí.
