Hin árlega tónlistarhátíð, Englar og menn í Strandarkirkju hefst sunnudaginn 7. júlí nk. og stendur yfir í júlímánuði með tónleikum á sunnudögum kl. 14.
Á fyrstu tónleikunum koma fram Björg Þórhallsdóttir sópran, Áslákur Ingvarsson baritón, Elísabet Waage hörpuleikari, Matthías Stefánsson fiðluleikari, Örnólfur Kristjánsson sellóleikari og Hilmar Örn Agnarsson organisti.
Yfirskrift tónleikanna er Ó, Ísland fagra ættarbyggð en á efnisskránni eru m.a. íslensk sönglög tileinkuð 80 ára lýðveldisafmæli Íslands eftir Emil Thoroddsen, Sigvaldi Kaldalóns, Atla Heimi Sveinsson og fleiri, ásamt tónlist eftir J. Brahms, F. Schubert, Saint-Saens og fleiri þekktum perlum úr heimi tónbókmenntanna.
Listrænn stjórnandi hátíðarinnar er sem fyrr Björg Þórhallsdóttir og aðgangseyrir er kr. 4.000. Tónlistarhátíðin er styrkt af Samtökum sunnlennskra sveitarfélaga og Tónlistarsjóði.