Næstkomandi fimmtudagskvöld, þann 18. júlí kl. 20:00, leiðir Guðni Ágústsson árlega göngu sína á Þingvöllum.
Athöfnin hefst við upplýsingamiðstöðina á Hakinu kl. 20, síðan verður gengið á Lögberg og göngunni lýkur við Þingvallakirkju kl. 22:00.
Gestur kvöldsins er Lilja Dögg Alfreðsdóttir, viðskipta- og menningarmálaráðherra. Þau munu ræða lýðveldissöguna allt frá stofnun Alþingis, sókn og sigra. Lilja mun helga erindi sín Jóni Sigurðssyni forseta, Bríeti Bjarnhéðinsdóttur, baráttukonu um kvenfrelsi ogg Ólafi Jóhannessyni forsætisráðherra.
Karlakór Selfoss, einn öflugasti karlakór landsins, syngur milli atriða. Allir eru velkomnir að taka þátt í göngunni.