Um verslunarmannahelgina heldur Suðurlandsdjazzinn áfram, bæði við Tryggvaskála á Selfossi og í Skyrgerðina í Hveragerði.
Tónleikaröðin hefur farið af stað framar vonum og nú þegar besta veðrið um verslunarmannahelgina verður hér á Suðurlandi er tilvalið að skella sér á tónleika og njóta veitinga, drykkja og ljúfra tóna.
Tónleikarnir við Tryggvaskála hefjast klukkan 15 á laugardag og er frítt á þá. Þar koma fram Unnur Birna & Björn Thoroddsen ásamt þeim Skúla Gíslasyni trommuleikara og Sigurgeiri Skafta bassaleikara. Þau hafa spilað víðsvegar um landið við gríðargóðan undirtektir og spila hina ýmsu stíla.
Á sunnudaginn verða þau Björn, Unnur Birna og Sigurgeir Skafti einnig fyrir utan Skyrgerðina í blíðskaparveðri.
Tónleikaröðin er styrkt af SASS en það er Menningarfélag Suðurlands sem stendur fyrir henni.
